Bread and Bistro (已結業)

📍南區 黃竹坑自從黃竹坑有地鐵站之後，黎嘅機會都多左。今次經過喺地鐵站只有兩分鐘步行距離嘅餐廳試下。☕️ 食物餐牌好多唔同選擇，由於我哋黎嘅時間係下午茶，大家都唔係太肚餓，所以只係叫左兩個輕食。雖然係輕食，但份量十分之足夠，當Main dish食都可以呀1. 吞拿魚沙律 - $158吞拿魚非常新鮮，亦有些配料調味，口感豐富。薯條剛剛炸起，外脆內軟，好好味。沙律菜有生菜、羽衣甘藍、蕃茄、豆等等，全部菜都好新鮮，配上檸檬汁同芥末醬，健康得黎又好味。2. 原味班戟配三文魚及牛油果 - $138Pancake 🥞 軟硬度適中，配嘅糖漿唔會太甜。煙三文魚亦新鮮好味。另外有黑松露Scrambled egg，沙律茶，同埋薯餅。最有驚喜嘅係薯餅，又係剛剛炸起，好好味😋3. 熱情果梳打 - $38熱情果梳打唔會太甜，有少少酸，夠哂fresh 另外Menu亦有好多其他選擇，仲有其他唔同種類嘅Pastry, Cupcake, Sandwich等選擇，上班一族趕時間都可以買個三文治。我下次都想試埋呢度嘅咖啡呀 ☕️🏘️ 環境餐廳環境寛敞，行現代工業風，坐得舒服，好適合同三五知己傾下計。附近返工嘅午餐都可以過嚟輕鬆食