C+屋

營業中

休息中

南山邨嘅雪糕，出名又平又好味。平時係隔離嘅「品香」、「冰室」、「十勝」（又一城市大學生落腳地）食完飯，實會去食返個雪糕先走。一球荔枝，一球榴連 • 雙球$11荔枝雪糕有香甜嘅荔枝味，亦重奶味，質感幼滑。榴連雪糕有淡淡嘅榴連味，可更香濃。蕃薯雪糕 • 單球$7甘香嘅蕃薯味，甜度適中，香濃軟滑。香蕉朱古力 • 單球$8雲石狀嘅香蕉朱古力質感似雪芭，仲有粒粒棉花糖。每次食南山雪糕都唔會失望，可能呢啲叫回憶嘅味道啦哈哈。呢啲平民小店嘅人情味，第二度真係食唔到。