漁釧 (V Walk)

營業中

休息中

今日同朋友去咗南昌呢一邊，咁啱又想食日本嘢，就去咗呢一間餐廳試吓，我哋大概係晚上時間7:30去到，好彩等位嘅時間都唔使太耐，不過入邊都好多人，好彩唔使排隊 店員亦都非常友善，主動為我哋介紹餐牌 餐廳嘅設計亦都唔錯，座位喺設計上唔會太迫，令到每一台嘅客人都有空間感！首先想介紹佢嘅壽司14點盛！每一款壽司都有兩件！！三文魚子壽司做得非常唔錯，，每一粒都非常飽滿，同埋卜卜脆，口感我會形容係超正！三文魚壽司亦都充滿油香，每件三文魚，亦都唔會切得太薄所以朋友同我都覺得呢一個set嘅CP值真係非常高！另外赤蝦亦都非常新鮮爽口彈牙，食落佢都有甘香嘅味道，亦都非常大隻鰻魚壽司，加埋佢本身燒鰻魚嘅汁，甜甜哋食落都非常好食，我同朋友都非常鍾意一夜乾食落去鹹鹹地，送洒簡直係一流，廚師喺火候嘅控制成日都控制得唔錯，條魚唔會燒得太濃！加埋檸檬汁食，酸酸地非常開胃，正！網燒牛肉椰菜沙律嘅份量，亦都非常足夠，牛肉亦都比我想像中好食，一開始以為係普通牛肉嘅質素，點知食落質素非常高，有驚喜！ 最後飲埋綠茶汽水，味道都幾特別，第一次試，覺得都幾好飲，大家不妨試吓！總括用餐經驗愉快，餐廳上菜速度嘅都非常快，店員亦都非常友善