南洋 (已結業)

裝修好新，坐得又舒服，而且衛生都做得幾好。每張卡位之間都有板格住，防疫得嚟亦都感覺好有私隱！ ➡️ 原隻菠蘿炒飯 ($108) ⭐️⭐️⭐️⭐️ 菠蘿炒飯好足料，炒到好香好惹味！蝦、魷魚、蟹柳、提子乾等等，加埋一齊炒，食過翻尋味。最緊要唔係用罐頭菠蘿！ ➡️ 炭燒魷魚筒 ($78) ⭐️⭐️⭐️⭐️ 原條魷魚筒大大條，炭燒嘅香味未上枱已經聞到，調味好香。食落又唔會韌，值得一試。 ➡️ 金沙骨肉骨茶 ($58) ⭐️⭐️⭐️⭐️💫 一上枱已經聞到好香！望落都好足料，好濃藥材味，而且金沙骨入哂味之餘，肉質都好淋身。飲完熱湯再食主菜，好正！ ➡️ 菠蘿梳打 ($28) + 青檸梳打 ($28) ⭐️⭐️⭐️⭐️ 凍飲超大杯，菠蘿梳打有半杯都係菠蘿，所以好入味。青檸飲落好解渴，正啊。 .............................. 南洋 地址📍: 佐敦吳松街140號地舖 總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 抵食💰: ⭐️⭐️⭐️⭐️