Book B Kitchen Mealmeal (已結業)

間中想做下文青，就會黎行下南豐紗廠，呢間 Book B Kitchen Mealmeal 經過過好多次，今日終於一試。店鋪一半係書店，一半係cafe，食完野仲可以去睇下書📖絕對係文青必訪既地方😌呢度主打日式定食，餐點感覺健康得黎又帶點特色。1⃣️招牌五品定食（$138）不愧係招牌，非常豐富🤩有年糕福袋昆布湯、櫻花蝦玉子燒、酸豆茄子他他配黑麥多士、黃薑糖漬栗子黑豆薯蓉、梅子芥末火箭菜蓮藕、自家抺茶鹽炸謎瓜、昆布汁紫蘇飯團。特別鍾意佢既福袋，昆布湯好好味🤤福袋入面有年糕、蘿蔔絲、菇，而且索曬湯👍另外茄子他他配多士都唔錯，本身諗住呢個搭配有啲奇怪，但係食落酸酸甜甜咁又幾開胃😯  2⃣️腐乳炸雞定食（$108）腐乳味道其實好淡好淡。不過炸雞真係有驚喜😳炸衣好薄，雞肉好嫩滑而且好大件。成個定食有四大件炸雞、炸秋葵，仲有麵豉湯、玉子燒同埋薯蓉。另外佢既飯係加左藜麥既，食落更加健康😋 3⃣️招牌野菜南瓜蓉味噌豆乳烏冬（$88）湯底飲落比我想像中香濃，可能因為加左味噌，味道唔會太清淡太單調。飲落係健康乾淨既味道🌱加埋南瓜片、菇、蛋、腐皮、秋葵等等既配料，啱曬想食得light啲既人。烏冬食落好彈牙，而且湯底真係健康