八焼鳥屋 (已結業)

博多拉麵吃得多，串燒未試過。所以餐牌上特別選有個＂博＂字啲。和牛壽喜燒串加蛋黃，用壽喜燒汁調味，牛肉味道濃郁，加生雞蛋食增滑，口感嫩滑。但和牛橫隔膜就無咁嫩，有少少羶味，可能係博多特色。串燒豬肉卷全部是黑豚肉卷，可以揀唔同的內蕊配料，有七款我哋全試，全部廿幾三十幾蚊一條，一條有兩三件，唔貴。最喜歡車厘茄仔作蕊，$25，番茄爆汁酸味配濃郁豬肉，對比強。其次是鮮露筍，$37，夠爽脆，淡化了肉啲鹹味，木魚、明太子飯團，$28/份 各一件，燒得唔算好焦，兩款鹹味的配料伴飯團，飽肚抵食。博多風格，唔係太領會到，下次再試清楚。