影片
更多
2024-05-02
30 瀏覽
今日放工想食burger，諗起大坑附近應該有呢類型嘅舖頭，就行過去睇吓，見到有一間叫做Number 8 fusion burger 嘅外賣店，所以就買咗以下食物返屋企食喇。水滴煎牛扒堡set ($84)再+$25升級至Mega burger：我升級咗做Mega burger，入邊有四大塊牛扒，蕃茄片同埋沙律菜。牛扒中帶有少少粉紅色，仲留到肉汁喺入邊。牛味濃郁。油脂比一般漢堡扒少。以呢個牛扒嘅份量，其實係好抵食。漢堡醬汁揀咗芥末沙律醬-酸酸辣辣嘅味道，感覺冇咁油膩。配菜揀咗印尼炸雞沙律-沙律包括沙角粒，青瓜粒，大量花生碎同埋印尼沙律醬汁。沙角粒好爽脆，青瓜粒味道清新。再配埋花生碎，更添印尼風味。炸雞即叫即炸，炸皮鬆脆。飲品揀咗熱情果凍茶-酸酸美味嘅熱情果味。味道清新。水滴吉列魚堡tea set($44):兩點至六點有tea set供應，好抵食。當然burger size係Mini size，但加埋小食，作為一個tea絕對係夠飽。呢個迷你漢堡好cutie！炸皮唔會太厚。魚肉唔會散修修。漢堡醬汁揀咗芥末沙律醬-芥末沙律醬配魚肉都係好夾。配菜揀咗炸薯條-薯條加咗辣粉，好惹味。薯條熱辣辣出爐！飲
今日放工想食burger，諗起大坑附近應該有呢類型嘅舖頭，就行過去睇吓，見到有一間叫做Number 8 fusion burger 嘅外賣店，所以就買咗以下食物返屋企食喇。
水滴煎牛扒堡set ($84)再+$25升級至Mega burger：
我升級咗做Mega burger，入邊有四大塊牛扒，蕃茄片同埋沙律菜。牛扒中帶有少少粉紅色，仲留到肉汁喺入邊。牛味濃郁。油脂比一般漢堡扒少。以呢個牛扒嘅份量，其實係好抵食。
漢堡醬汁揀咗芥末沙律醬-酸酸辣辣嘅味道，感覺冇咁油膩。
配菜揀咗印尼炸雞沙律-沙律包括沙角粒，青瓜粒，大量花生碎同埋印尼沙律醬汁。沙角粒好爽脆，青瓜粒味道清新。再配埋花生碎，更添印尼風味。炸雞即叫即炸，炸皮鬆脆。
飲品揀咗熱情果凍茶-酸酸美味嘅熱情果味。味道清新。
水滴吉列魚堡tea set($44):
兩點至六點有tea set供應，好抵食。當然burger size係Mini size，但加埋小食，作為一個tea絕對係夠飽。呢個迷你漢堡好cutie！炸皮唔會太厚。魚肉唔會散修修。
漢堡醬汁揀咗芥末沙律醬-芥末沙律醬配魚肉都係好夾。
配菜揀咗炸薯條-薯條加咗辣粉，好惹味。薯條熱辣辣出爐！
飲品揀咗蘋果凍茶- 蘋果茶味道清甜，好啱夏天飲。
喺等漢堡包嘅時候，聽職員講佢哋老闆嘅媽咪係土生土長印尼人，識整好多印尼料理。而佢哋嘅醬汁除咗芥末沙律醬同埋芝麻醬，其他醬汁全部都係佢哋自己整㗎，仲要唔係用攪拌打爛，而係用石磨去磨。至於佢哋嘅麵包都係自家製。咁有heart嘅小店有機會要再幫襯吓先
張貼
