印度素食 (已結業)

跟咗老公食素同搬到黃埔之後，就一直係度搵附近有d咩餐廳可以比我地填肚。搵搵吓竟然比我搵到呢間唔多起眼嘅印度餐館Smrat Pure Veg Restaurant。雖然佢開係工廠區，但係估唔到佢weekend都會開，所以星期日係個度可以靜靜地食餐飯。餐廳裝修簡單，台上面有水有紙巾，方便大家用手食完可以清潔。估唔到呢間餐廳細細地，但係食物幾有質素。我最鐘意佢d薄餅naan。食落去好軟，口感好好。我個人仲係芝士控，連印度芝士都係我嘅favourite。佢其實無咩芝士味，有d似硬嘅豆腐，連埋d咖哩汁好野味。飲品我叫咗芒果乳酪。佢可能好足料，所以飲完飽咗👳‍♀️