Masala Hut & Cafe (已結業)

放完大假，一堆工作又攪到我著著地，同事見我唔開心，食飯時間就拉我去食buffet, 原來佢帶我食印度餐buffet同事話呢間新新地，開左唔太耐，去到環境都幾大，啲座位又夠闊以前食印度菜比我有個感覺就係啲餐廳會有好大陣咖哩味，但呢間完全無，仲好乾淨坐低無耐，店員就遞了兩條Dosa, 皮薄脆，而且餡料有薯仔蓉及豆蓉，食到一半感覺到有種強烈既辣☺️但係好惹味店員除左比左Dosa, 亦都比左盤印度薄餅，口感好煙韌，點咖哩汁一流熱盤有幾款選擇，有炸洋蔥，有雞翼，有魚柳，仲有飯咁多款咖哩汁，我就鍾意呢個印度豆腐蕃茄醬，好香濃，少少辣👍🏻送飯或點印度薄餅都好正Buffet包餐飲，檸檬梳打就最爽