Kailash Parbat

營業中

休息中

香港好少正宗印度餐廳，呢間仲要係素食，平時多數都係食中餐鋸扒，食到悶悶地，今日就特別啲同朋友試一試呢間印度齋。入到去餐廳，光線不是昏暗的那種印度餐廳，感覺好舒服同乾淨，裝修好有溫馨的清新感覺，周圍都擺放好多印度色彩的裝飾物。印度邊度鄉特色奶酪 $95賣相好靚，芝士砌到正正方方，用兩款不同的醬汁一齊燒(紅椒醬同青椒醬) ，芝士質地結實，鹹鹹香香的，好味！點綠色的薄荷葉醬食，不會太膩。印度黏土烤蘑菇串 $95好似漢堡包咁，兩粒小蘑菇中間夾住芝士醬，好得意。 雖然芝士醬好濃郁，但亦都不失香菇味。印度特色拼盤 $80來到嘅時候以為叫自己錯野，哈哈。 原來佢地係將一啲印度小食整碎咗再撈埋乳酪的。 裏面有薯仔粒，脆餅，小豆， 撈埋微凍的乳酪，出奇地夾，甜甜酸酸鹹鹹的。芒果奶昔 $49奶昔口感好濃厚，飲到底部有辣辣地的香料粒，好似胡椒粒咁。粉紅秘魯 $49石榴汁，杯邊係紅辣粉，辣味好快散，先甜後辣。印度齋體驗成功，值得推介。