瀟灑哥 (已結業)

經過旺角，唔想又係食炸雞魚蛋燒賣果啲，所以今次係街尾果邊開始行。行到登打士廣場隔離見到一間鐵板小食叫瀟灑哥。見到佢煎緊牛好香但佢有好大個牌賣玉子燒都好吸引，所以我冇叫鐵板小食。玉子燒應該都係招牌菜... 我前面都有個女仔叫，等左兩三分鐘左右，唔算好耐就有個熱辣辣嘅玉子燒喇。我揀左明太子味(佢本身仲有個粟米味)，入面仲有芝士同粟米。上面就有蟹籽同木魚絲紫菜。我食果陣仲有少少拉絲效果! 暖笠笠有足料，好好食