Gram Cafe & Pancakes

營業中

休息中

自從喺日本食過gram pancakes，喺香港都冇試過，今晚嚟尖沙咀行街，順便黎試吓。1）（新）焦糖脆脆 $118呢個食法好得意，店員教話要用手去摙吓個圓形塑膠片，等入邊啲汁可以流落去pancake下邊底部，然後lin到差唔多咁上下就可以好輕鬆甩到個膠片出嚟，然後啲汁就會好似瀑布咁樣流出嚟，配埋啲Lotus餅乾碎嚟食，加埋啲滑捋捋嘅cream，就好好味2） Signature pancakes $138呢個招牌pancakess係即叫即整，佢嘅經典食法，就係3塊pancakes充滿空氣感咁樣，動L動L咁棟高陳列，然後側邊有啲蜜糖俾我哋自己調校淋落去食，配合埋經典招牌滑捋捋又唔漏嘅cream，同埋牛油，就非常之完美好味。店面嘅店員服務好勤快，態度親切殷勤，又會細心介紹一啲特別甜品款嘅正確食法係點樣，咁樣嘅服務態度先至會有回頭客。