鮨廷 (已結業)

今日預早book左呢間壽司小店，入面得十幾個位，全部都可以望住啲師傅即刻手握壽司架。我哋坐低左有dinner menu或者散叫都可以。咁我哋想自由啲揀想食嘅野，就決定散叫。枱面上有兩款茶包可以自由選擇，啲餐具器皿都好靚，好match呢間小店。我哋分別叫左玉子壽司，北寄貝壽司，油甘魚腩壽司，穴子壽司，鰻魚壽司，赤貝壽司，炙帆立貝壽司，炙三色壽司盛合（三文魚，大拖羅同右口魚邊），加洲卷，飛魚籽壽司，芥辣八爪魚壽司同明太子帆立貝手卷。壽司即刻手握嘅感覺好新鮮，同埋用嘅米都好有心，落晒豉油，個wasabi都好食，同出面嘅都好唔同。啲壽司都好好食，尤其係見到佢即整，食慾都唔同d。特別推薦手卷同帆立貝俾大家，手卷唔係平時係元x壽司果啲，紫菜都好脆，亦都好足料。而帆立貝就好大粒好新鮮。埋單一個人都係二百幾蚊，已經好飽。有機會可以嚟試下！