Burgerman (欽州街) (已結業)

平時放工經開深水埗欽州街呢間Burgerman，一直心思思想試下，今日心血來潮好想食個burger，就試下佢啦。 呢度嘅食物全部即叫即整，保證新鮮，但係就要比少少時間等。 呢度有好多款漢堡🍔，加$20 可以有皮薯條／田園沙律🥗及罐裝飲品。 今次揀咗個丹麥藍芝士漢堡，Blue cheese味道好獨特🧀，味道強烈又刺激，唔係個個可以接受，不過我自己就好鍾意呢個味道。呢度係用100%全天然美國安格斯牛肉及澳洲和牛，用原塊牛扒切出嚟製成漢堡扒，肉味香濃，又厚又juicy，個包又烘過，非常香脆。 有皮薯條又香又脆，加上七味粉，滋味無窮！ 外賣仲有埋手套，相當貼心。