晶百合餐廳

營業中

休息中

有拉麵師傅 即場拉手工担担麵係香港少之有少. 今次係九龍城就比我揾到，仲有大過我隻手嘅上海酥炸豬扒!  半肥瘦豬扒厚切，炸粉剛剛好，配埋師傅 即場拉嘅手工担担麵, 口感爽彈，辣度啱啱好!  好出色!  仲有九龍城另一名物，牛肉餅，充滿鮮牛肉汁，裡面配埋紫洋粒粒 加埋外脆的酥餅，有驚喜!  仲有用清遠雞 每日上湯浸  嘅 海南雞，中間雞皮層有膠原啫喱架，上湯浸完立即過凍水先有嘅效果，雞肉嫩滑雞皮彈牙， 薑黃油飯偏乾身但好香，加埋三個醬料撈飯，啖啖肉 好味! 最後試埋手工煎餃子，即叫即包即煎，試咗芹菜豬肉餃，餃子皮香脆，煎餃仲留到肉汁，芹菜香口，仲可以買生餃返屋住慢慢食。