流水蝦

營業中

休息中

想食流水蝦好耐，今日終於約到朋友陪我去試下🙌🏻。任飲任食兩個半鐘。除左蝦，成人重送海鮮船同美國Prime級牛肉。每台隔離都有個水缸可以即時夾啲大頭蝦上嚟食，即夾即燒，保證夠曬新鮮😍！D蝦生猛到有時明明夾到但又彈走左。有得玩又有食，一舉兩得✌🏻😚！本身唔知，店員話原來要先將蝦放落冰水凍暈先再燒黎食。枱面重有花椒胡椒等調味粉供客人為大頭蝦調味。我同朋友都無加。因為蝦本身夠新鮮，唔需要調味都已經好好食了～海鮮船有扇貝、鮑魚、脆魚鯇同蜆。美國Prime級牛肉分別切成粒和薄片，各有不同口感，牛味香濃。另有各式海鮮、肉類、丸類、蔬菜、沙律、熟食、炸物、湯、水果、甜品、雪糕任食😍。最特別係有熟食，重有白飯任裝！海鮮有魚、蠔、青口等。秋刀魚重係原條上！😱好誇張！蔬菜方面，金菇同娃娃菜已預先用錫紙包起，加左好多蒜蓉，食落好香啊！炸物方面有炸餃子、炸雞翼等等。用個暖爐烘住保溫，確保夠熱。甜品款式選擇好多！🍮🍰🍧有雪糕、馬卡龍等。雪糕重有唔同口味揀。估唔到有榴槤味！我朋友最鍾意食榴槤，佢就最開心啦。飲品選擇多，實有款啱你口味。