漁屋日本料理 (海寶花園) (已結業)

大埔要食日式放題，好似真係無乜選擇！突然想食既時候只諗到漁屋😂（長期都滿座）即時打去book，好好采甘岩有個位可以俾我！入到去事不宜遲即叫刺身先，原來宜家改左用mobile app落單，都幾環保幾好！！！魚生我淨係鍾意食三文魚（雖然好多菌，一次半次應該ok?）其他個d樣樣叫左小小，朋友食完話都唔錯啦！食完生野叫左d串燒、天婦羅。。。d野食送到上黎係熱辣辣架！加分！最令我surprise 既地方係竟然有奶蓋茶飲🤤重點係仲要幾好飲（雖然會飽肚😂）但可以滿足我飲下奶蓋既慾望！最後食完仲要夾糖食雪糕，滿足！總結就都唔金錯啦，保持到以前既水準！