影片
更多
2017-05-25
383 瀏覽
聽講呢間開咗一段日子嘅牛之鍋大改革咗,除咗原本有嘅火鍋放題之外,仲新增咗多款日本料理,睇落幾吸引,呢日就嚟試試.門面掛咗一排刺身名木牌,都幾日本風.自助吧有幾張檯,放咗唔少火鍋料.自取嘅火鍋料有火炙芝士丸,牛丸,豬肉丸,香腸同蔬菜等等,醬料嘅蔥花,辣椒,芫茜,蒜蓉,豉油,芝麻醬等等都係自取嘅.除咗雪櫃嘅飲品可以任飲之外,場入面仲有呢部asahi自助啤酒機,每人只要加$28就可以任飲.任點任食嘅食物就係畫紙仔咁order,分咗火鍋料,刺身,一品料理,燒物,手卷,壽司,炸物,甜品共八張,火鍋料就係比自助區較為貴價嘅肉類,日本料理款式同大部份日式放題類同,每種類別有八至十幾款揀.火鍋湯底揀咗九州豬骨湯,當日所見湯中仲有白芝麻等等.自取嘅火鍋料我試咗生菜,西洋菜,南瓜,粟米等等,其中粟米煮咗好耐都仲好甜同爽口.任點任食嘅火鍋料就試咗美國極上牛肉,油花略少,不過都幾軟嫩.清酒煮蜆嘅清酒味唔算太濃,但就好在冇沙.芝麻雞翼炸得皮脆,入面又唔乾身.芝士年糕外層煙煙韌韌,中間芝士幾流心.天婦羅就試咗大蝦,南瓜,番薯,茄子,冬菇,天婦羅炸漿薄脆.冬菇仲雕咗花紋,以放題嚟講算有心思.甜品就試咗日式乳酪,原本
聽講呢間開咗一段日子嘅牛之鍋大改革咗,除咗原本有嘅火鍋放題之外,仲新增咗多款日本料理,睇落幾吸引,呢日就嚟試試.
門面掛咗一排刺身名木牌,都幾日本風.
自助吧有幾張檯,放咗唔少火鍋料.
自取嘅火鍋料有火炙芝士丸,牛丸,豬肉丸,香腸同蔬菜等等,醬料嘅蔥花,辣椒,芫茜,蒜蓉,豉油,芝麻醬等等都係自取嘅.
除咗雪櫃嘅飲品可以任飲之外,場入面仲有呢部asahi自助啤酒機,每人只要加$28就可以任飲.
任點任食嘅食物就係畫紙仔咁order,分咗火鍋料,刺身,一品料理,燒物,手卷,壽司,炸物,甜品共八張,火鍋料就係比自助區較為貴價嘅肉類,日本料理款式同大部份日式放題類同,每種類別有八至十幾款揀.
火鍋湯底揀咗九州豬骨湯,當日所見湯中仲有白芝麻等等.
自助火鍋料
21 瀏覽
0 讚好
0 留言
任點任食嘅火鍋料就試咗美國極上牛肉,油花略少,不過都幾軟嫩.
清酒煮蜆嘅清酒味唔算太濃,但就好在冇沙.
芝麻雞翼, 芝士年糕
27 瀏覽
0 讚好
0 留言
天婦羅
13 瀏覽
0 讚好
0 留言
天婦羅
12 瀏覽
0 讚好
0 留言
日式乳酪
18 瀏覽
0 讚好
0 留言
宇治抹茶新地
17 瀏覽
0 讚好
0 留言
佢哋嘅日本料理推出冇耐,不過同其他日式放題店相比都唔遜色.甜品就有十幾款揀,某啲仲係即叫即製,雖然好似唔夠某啲有提供貴價雪糕嘅日式放題回本,但製作唔馬虎,總算有誠意.
張貼
