古今二 (觀塘工業中心)

營業中

休息中

上星期食完銅鑼灣既古今，至今仍難以忘記餐廳嘅卷物🤣所以今日放工去咗近公司嘅觀塘分店，今次仲叫咗三款卷物，連凱婷都唔夠我壞！觀塘分店置身於工業大廈，裝修比較簡樸，不過店內非常熱鬧，座無虛席。- 龍捲風沙律「愛情來得太快就像龍捲風🎶」第一道上菜就係龍捲風沙律，分量相當多，材料包括蟹柳、生菜、海藻同脆片。- 煙花辣三文魚同辣吞拿魚係主角，另外脆片作點綴，辣味提升食慾，而且比較細件，唔會特別飽肚。- 富士山大量蟹柳放喺壽司卷上面，營造一個小山峰，的確同富士山有少少神似🤣鰻魚味道香濃，肉嫩而且無細骨。- 蜘蛛主角係軟殼蟹，不過同蜘蛛好似扯唔上任何關係🤔軟殼蟹脆口之餘又唔油膩，當然仲有老是常出現嘅蟹柳，為卷物增添一份爽甜。- 日式天婦羅炸衣唔算太薄，只得蝦天婦羅比較脆口。- 日式炒烏冬份量超大，烏冬唔會炒得太軟，依然保持韌勁。配菜款式亦多，包括芽菜、三色椒、椰菜、洋蔥、菇等等。以上食物都唔過$100，非常適合一班朋友分享，同時喺休閒嘅環境下暢談。