和居酒屋 (已結業)

人均200蚊左右都食到高汁日本嘢，旺角呢條街餐廳好多，但唯獨有2間特別引人注意，1間係越南餐廳，另一間就係呢間和居酒屋⛩氣氛比人一種好舒適寧靜嘅感覺，裝修好別致，座位坐得闊落。👍🏻Menu種類多，沙律刺身壽司，到串燒料理燒物都有，鍾意飲sake嘅仲會有一d送酒小食。唔想諗嘅嗌個定食都係100左右，有埋麵豉湯刺身/小食🥰刺身嗌左2款 : 厚切三文魚腩($62)，日本帶子($48)刺身好新鮮，切得大方，厚度目測都有成4cm一塊，魚油亦豐富😳壽司嗌左4款 : 劍魚腩，北寄貝，八爪魚同韓國馬糞海膽軍艦。價錢廿幾到卌幾，特別想講個海膽軍艦，海膽size細細粒但比得好多，好甜，卌幾有2件食得過🤤串燒分別有雞軟骨，黑豚五花腩，豚肉蘋果同牛舌。而其中，牛舌($48)水準最高！一串4塊，厚度足夠，食得好過癮☺️最尾驚唔夠飽嗌多個咖哩牛肉烏冬($78)，好大碗，成餐落黎十分滿足😳 頗有水準嘅一間日本餐廳。