Amitie Kitchen

營業中

休息中

今日嘅餐湯係粟米忌廉湯，湯面上有少少香草，佢係冇粟米粒粒嘅，成個湯都係好流質，飲得出真係得粟米同忌廉同埋好少嘅鹽，真係食緊粟米嘅味道，唔係出面飲嗰啲罐頭好鹹嗰啲。跟住我仲落咗個磯燒鮑魚做前有菜，鮑魚好入味，煮得好軟身，好易咬，個沙律都係日本芝麻汁黎調味，沙律好新鮮小蕃茄好甜。 咁樣我本身減緊肥啦，咁我個lunch set就叫咗個香草蜜糖燒春雞，梗係配蔬菜。 個雞就燒得好靚呀。面頭有好多香草，個雞皮有少少甜味，一切開就見到啲肉汁流緊出嚟，燒得啱啱好好嫩滑，啱啱熟。 我發覺呢一間啲調味都係偏向尊重食材嘅原味，唔會落太多鹽，調味料或者味精嗰啲。所以食落都係好有雞味嘅。 佢嘅伴碟烤蔬菜都做得好好食。 因為今餐呢都叫咗好多嘢食啦，咁最後叫咗杯蘆薈蜂蜜，清清地咁幾好飲。