P.B.S. Premium Burger & Sandwich (已結業)

星期六同老公睇完《蜘蛛俠：不戰無歸》，係時候食晚餐醫肚啦。今次我地入左間漢堡包店食Burger。我地叫左招牌至尊和牛漢堡、原隻龍蝦三文治、薯條、無糖可樂。招牌至尊和牛漢堡超級無敵厚身，鬆軟既麵包夾住煎蛋、芝士、漢堡扒、牛油果、大啡菇、洋蔥、煙肉、番茄、生菜，仲有條酸瓜。煎蛋既蛋黃唔係熟晒架，每啖都食到好豐富既材料，好滿足。原隻龍蝦三文治都好足料，充滿龍蝦肉，龍蝦肉質偏實。薯條炸到好脆，本身已經有調味，好惹味。再飲埋罐Zero走。