龍門冰室 (已結業)

以前食鐵板餐就會回去大X樂呢啲快餐，之後都冇乜邊幾間係有鐵板餐，今日行過銅鑼灣永光呢間龍門冰室，估唔到呢度有供應鐵板餐，特別去懷舊一下，一於去試一試佢嘅美式扒餐！鐵板餐莫過於鐵板要夠熱，雜扒多款式，而且最緊要係個醬汁夠香濃，呢度一上枱已經熱辣辣，落個醬汁嘅時候聞到仲有一啲焦香嘅味道，係啦就係呢種感覺，龍門冰室果然係臥虎藏龍！呢度嘅集合配搭都算幾多，有牛扒、豬扒、雞扒、腸仔火腿等等，今次叫咗個豬扒，估唔到厚切豬扒肉質好做事，而且肉質鮮嫩，以咁嘅價錢真係CP值好高！在嗌多一客黑松露煎雞翼，佢嘅雞翼係好入味，而且煎得好香口， 10個讚！呢度嘅夥計己有人情味，會同你傾吓計，服務唔錯喎，真係一個私心嘅蛇竇！