鹵家

營業中

休息中

難得入嚟元朗，前一日已經係咁搵元朗有咩好食，屋企人話想食呢間五星級燒味，雖然口講同意，但內心深處諗燒味可以有幾巴閉姐。。。去到嗌咗食神叉燒飯，雙拼飯叉燒跟滷鴨，要一碗湯同埋嘢飲，湯係冬瓜薏米淡菜湯，好飲嘅，但係份量好少，一個碗裝得半碗湯🥲 滷鴨非常嫩口，邊食邊諗點解可以入味得來咁嫩滑，但最緊要都係叉燒。原來叉燒真係可以咁好食，周星馳講嘅黯然銷魂飯原來係真的，肥瘦適中，燶邊位好味到冇計，食得出肉質係好嘅肉，口感脆嫩，覺得活咗咁耐第一次真正認識叉燒🥺。