影片
更多
2024-09-02
301 瀏覽
平時好少嚟西環，咁啱嚟開呢區又想食日本嘢，住喺西環嘅朋友大推呢間居酒屋，緊係要趁機會試下！🛎 $108 Happy Hour 串燒5選3（送啤酒）我哋就揀咗雞軟骨、雞中翼同埋汁燒牛舌尖！雞軟骨好香脆，而且數量都唔少😋雞中翼好大隻啖啖肉，食到好香嘅鹽燒味，又唔會太鹹，超級惹味🥹牛舌尖好厚好腍，完全冇膻味，食落去感覺好柔軟😆雖然係Happy hour優惠，但係就感受到餐廳完全唔吝嗇，品質keep住好高！啤酒係送嘅都大大杯，食完幾串串燒再飲翻啖啤酒，真係爽到爆！！！🛎 $38 燒雞髀菇平時不論係喺居酒屋定係自己食燒肉嗰陣，燒親啲雞髀菇都一定又乾又燶，點知喺度食完呢碟燒雞髀菇，真係推翻晒我對佢嘅印象，原來燒雞髀菇可以咁多汁咁惹味，餐廳仲喺上面加咗啲木魚絲，味道口感都好新鮮好特別，真係大推🥹🥹🥹🛎 $98 西京燒豬頸肉平時食西京燒銀鱈魚就食得多，一見到有得嗌西京燒豬頸肉就緊係要即刻嗌嚟試下啦！點一點蛋黃醬，一擺落口即刻覺得西京漬同豬頸肉本身嘅味道超級夾，而且豬頸肉經過西京潰醃過後再直接燒，簡直係提升埋燒豬頸肉香味，同平時出面食到嘅燒豬頸肉完全係另一個層次，而且出面好少有呢個配搭！🛎 $58 汁燒
🛎 $108 Happy Hour 串燒5選3（送啤酒）
我哋就揀咗雞軟骨、雞中翼同埋汁燒牛舌尖！
雞軟骨好香脆，而且數量都唔少😋雞中翼好大隻啖啖肉，食到好香嘅鹽燒味，又唔會太鹹，超級惹味🥹牛舌尖好厚好腍，完全冇膻味，食落去感覺好柔軟😆雖然係Happy hour優惠，但係就感受到餐廳完全唔吝嗇，品質keep住好高！啤酒係送嘅都大大杯，食完幾串串燒再飲翻啖啤酒，真係爽到爆！！！
🛎 $38 燒雞髀菇
平時不論係喺居酒屋定係自己食燒肉嗰陣，燒親啲雞髀菇都一定又乾又燶，點知喺度食完呢碟燒雞髀菇，真係推翻晒我對佢嘅印象，原來燒雞髀菇可以咁多汁咁惹味，餐廳仲喺上面加咗啲木魚絲，味道口感都好新鮮好特別，真係大推🥹🥹🥹
🛎 $98 西京燒豬頸肉
平時食西京燒銀鱈魚就食得多，一見到有得嗌西京燒豬頸肉就緊係要即刻嗌嚟試下啦！點一點蛋黃醬，一擺落口即刻覺得西京漬同豬頸肉本身嘅味道超級夾，而且豬頸肉經過西京潰醃過後再直接燒，簡直係提升埋燒豬頸肉香味，同平時出面食到嘅燒豬頸肉完全係另一個層次，而且出面好少有呢個配搭！
🛎 $58 汁燒帆立貝
帆立貝大大隻，而且好新鮮，一啲冇冰鮮嘅味道，加上餐廳獨家調製嘅醬汁。。。食過呢度嘅燒帆立貝真係返唔到轉頭😍😍😍
🛎 $18 炙燒三文魚壽司
炙燒三文魚真係超抵食，平時食壽司都好鍾意食炙燒系列！炙燒即係一種用火稍為烤熟食材表面的調理方法，令到食材嘅味道同口感都更加豐富～今次食咗呢個炙燒三文魚，將三文魚嘅脂香完完全全咁帶咗出嚟，入口即溶，滿滿的幸福感油然而生😁
張貼
