影片
更多
2021-05-18
2264 瀏覽
呀媽話驚星期日正日慶祝母親節會好多人，於是我哋幾個就提早搵晚放工出觀塘食晚飯當做節👨👩👧👦。APM冇嘢啱食，又費事同兩老去工廠大廈啲餐廳，最終我成功搵到間符合篩選條件嘅泰菜館，佢就係「翟道翟 Tuk Tuk」。餐廳位於中海日升中心一樓，喺大廈嘅地下就已經望到佢個招牌。呢度面積大，座位寬敞，我哋坐喺卡位，非常舒服👍。再者，餐廳嘅環境同衛生都好好，湖水綠嘅裝修色調令人眼前一亮，而且佢亦無普遍地道泰國菜館嘅噏耷味🙈。呢度嘅泰菜款式繁多，有齊粉麵飯、串燒、湯、小食、沙律、海鮮、肉、蔬菜、甜品同飲品。我哋樣樣都想食🤤，有選擇困難症真係好苦惱啊。同時，餐廳定價合理，上菜後直頭覺得應該用抵食嚟形容，因為樣樣都好大碟！冬陰功蝦湯($58)，佢寫係供兩位用✌🏻，開初我以為真係細細兜，但分湯時發現其實一啲都唔少，大概分到四個碗仔，所以四條友都勉強夠飲。冬陰功湯好濃味，有少少辣，飲完好開胃。湯品用咗好多料煲，例如雜菇、香菜同鮮蝦等，真材實料啊🦐。串燒方面🍢，我哋要咗四串，分別係炭烤沙嗲牛肉、炭烤沙嗲豬肉、炭烤沙嗲雞肉同炭烤沙嗲牛筋丸，每串$18。四款串燒啲肉都唔會燒到好乾，而且係會清楚分到各款口味。沙
呀媽話驚星期日正日慶祝母親節會好多人，於是我哋幾個就提早搵晚放工出觀塘食晚飯當做節👨👩👧👦。APM冇嘢啱食，又費事同兩老去工廠大廈啲餐廳，最終我成功搵到間符合篩選條件嘅泰菜館，佢就係「翟道翟 Tuk Tuk」。
餐廳位於中海日升中心一樓，喺大廈嘅地下就已經望到佢個招牌。呢度面積大，座位寬敞，我哋坐喺卡位，非常舒服👍。再者，餐廳嘅環境同衛生都好好，湖水綠嘅裝修色調令人眼前一亮，而且佢亦無普遍地道泰國菜館嘅噏耷味🙈。
呢度嘅泰菜款式繁多，有齊粉麵飯、串燒、湯、小食、沙律、海鮮、肉、蔬菜、甜品同飲品。我哋樣樣都想食🤤，有選擇困難症真係好苦惱啊。同時，餐廳定價合理，上菜後直頭覺得應該用抵食嚟形容，因為樣樣都好大碟！
冬陰功蝦湯
$58
13 瀏覽
2 讚好
0 留言
串燒方面🍢，我哋要咗四串，分別係炭烤沙嗲牛肉、炭烤沙嗲豬肉、炭烤沙嗲雞肉同炭烤沙嗲牛筋丸，每串$18。四款串燒啲肉都唔會燒到好乾，而且係會清楚分到各款口味。沙嗲醬分開上，味道屬正常水平啦。
牛油烤栗米
$16
10 瀏覽
0 讚好
0 留言
泰式青檸牛肉
$98
10 瀏覽
0 讚好
0 留言
炒空心菜馬拉盞
$72
10 瀏覽
0 讚好
0 留言
翟道翟鴨肉炒黃麵
$78
13 瀏覽
0 讚好
0 留言
翟道翟鴨肉炒黃麵($78)，炒麵勁大碟，完全係酒樓小炒嘅份量🥘。炒麵堆到好高，麵質有少少似幼身嘅伊麵同金邊粉嘅混合版。我自己就麻麻哋呢個口感，因為略嫌有啲乾。配料方面，佢包含多種蔬菜絲，如芽菜、蘿蔔、洋蔥、三色椒同秀珍菇等，好豐富！🦆而主角鴨肉亦都多，大啖肉伴麵食相當唔錯。
椰香班蘭千層糕
$24
9 瀏覽
0 讚好
0 留言
飲品方面，我哋要咗珍多冰($28)同凍青檸檬梳打($28)。🥤飲品同食物一樣都係大大杯，更重要嘅係滿有誠意。青檸梳打絕對唔係得兩片檸檬咁簡單，而係有自家製糖水。珍多冰椰香味濃，仲有唔少綠色啫喱條。不過我更想知道餐牌圖入面色彩繽紛嘅係邊款飲品🤔。
題外話，每張枱均放有一個調味架🧂，有醋同乾辣椒等。但由於全部菜式本身都好夠味(甚至可以話係重口味，但我好鍾意😋)，所以佢哋未能大派用場。
總括嚟講，喺翟道翟食嘅母親節晚餐令我哋全部人都好滿意💯，基本上每一樣食物都充滿自家特式，無令人失望。餐廳性價比高，出品既好食又抵食，咁高質真係可以去邊度搵？最後，店員嘅服務態度亦都好好，成個體驗無得彈。如果想食好味道泰國菜🇹🇭，唔一定要去九龍城，去觀塘嘅翟道翟亦都得，得咗，高度推介啊🌟！
張貼
