影片
更多
2024-05-25
136 瀏覽
我有時都會想一個人食個燒肉嘅，但可以去到貼出嚟真係感覺唔好。首先間鋪係好摩登裝修，但感覺好冰冷，欠缺燒肉熱度。咁基本攞飛後30分鐘有枱，咁以星期五晚上係可以體諒嘅。但叫咗個顧客之後先嚟話「執緊枱」，乜唔係ready好先叫人㗎咩？未ready好仲要等多十分鐘已經係問題一，問題二係期間仲要serve咗一個號碼後啲嘅五人枱。我明白飲食業真係艱難，但都唔係咁掛…都唔緊要啦，咁埋到位就整多一塊唔穩陣嘅疫情隔籬板擺我位旁，後來有另一顧客到枱時，塊板可以成塊揼落我個頭喎，好彩只係少少痛，但未裝好塊板就俾人輕易整甩，咁整嚟做乜？跟住到嘢食啦，我叫咗個牛五花、肩胛牛柳、牛小排嘅餐，咁事前我係唔知由落單到送嚟開爐都冇人負責嘅，跟住最後收我加一，喂唔好玩啦，嗰個服務真係for乜嘢？講返先，切肉又係香港部份燒肉餐廳最鍾意嘅薄切，係完全好似紙咁薄。對比一個喜歡食燒肉嘅朋友星期二先响東京秋葉原食嗰個午市燒肉嘅厚度同口感，呢個直頭係失敗，再加上塊肉燒完係冇肉味嘅，份量以2200日圓同218港元比較，可以話係離譜嚟形容。跟住嗰個沙律，明明我揀嘅唔係「沙律少汁」，結果係啲汁幾乎係唔存在嘅…我已經唔敢比較其他香港嘅一人燒
首先間鋪係好摩登裝修，但感覺好冰冷，欠缺燒肉熱度。
咁基本攞飛後30分鐘有枱，咁以星期五晚上係可以體諒嘅。但叫咗個顧客之後先嚟話「執緊枱」，乜唔係ready好先叫人㗎咩？未ready好仲要等多十分鐘已經係問題一，問題二係期間仲要serve咗一個號碼後啲嘅五人枱。我明白飲食業真係艱難，但都唔係咁掛…
都唔緊要啦，咁埋到位就整多一塊唔穩陣嘅疫情隔籬板擺我位旁，後來有另一顧客到枱時，塊板可以成塊揼落我個頭喎，好彩只係少少痛，但未裝好塊板就俾人輕易整甩，咁整嚟做乜？
跟住到嘢食啦，我叫咗個牛五花、肩胛牛柳、牛小排嘅餐，咁事前我係唔知由落單到送嚟開爐都冇人負責嘅，跟住最後收我加一，喂唔好玩啦，嗰個服務真係for乜嘢？
講返先，切肉又係香港部份燒肉餐廳最鍾意嘅薄切，係完全好似紙咁薄。對比一個喜歡食燒肉嘅朋友星期二先响東京秋葉原食嗰個午市燒肉嘅厚度同口感，呢個直頭係失敗，再加上塊肉燒完係冇肉味嘅，份量以2200日圓同218港元比較，可以話係離譜嚟形容。
跟住嗰個沙律，明明我揀嘅唔係「沙律少汁」，結果係啲汁幾乎係唔存在嘅…
我已經唔敢比較其他香港嘅一人燒肉鋪啦，因為一比真係會等收律師信㗎咋…
張貼