Eris's Kitchen (已結業)

係D2行街街，準備搵野食時，見到有間Golf club 有野食，原來唔係members only架，咁梗係入去參觀下啦。好，坐低睇下有咩好食先。可以邊食邊睇人打golf南瓜甘荀忌廉湯，個湯好滑好幼細，南瓜味重。配既餐包暖笠笠好好味。海蝦辣椒蒜片意大利麵，有三隻大大海蝦，蝦肉又爽又新鮮。扁意粉掛上醬汁，用上蝦膏去煮個麵，食落比蝦肉更濃味，辣椒蒜片味好香。蜜糖芥茉燒豬胺配蘋果蓉，豬胺texture 紋理更幼細，食落更腍更juicy，配上蘋果醬果黎清新都幾特別。法式焦糖燉蛋，上面係甜甜既焦糖脆，燉蛋好滑滑。朱古力心太軟配雪糕，心太軟蛋糕好鬆軟，裡面熱乎乎既朱古力醬，配雪糕食既冷熱口感超豐富。食完甜品，飲個水果花茶解膩。