鳴門魚市場居酒屋 (已結業)

琴晚同朋友黎呢間居酒屋度食，大概夜晚10點左右入座，店員安排左門口位俾我哋。大概過咗一陣，我哋開始落單，落左單後30分鐘，我哋見啲嘢仲未黎，就問一問佢，結果原來係漏咗單😓但係重新落左單之後，啲嘢都好快就到。我哋分別嗌咗赤蝦海鮮丼、吉列白豚滑蛋鍋同埋鰻魚飯定食。海鮮丼入面嘅刺身望落去正正常常，冇乜大問題。吉列豬扒鍋定食，係成個鍋上，另配一碗白飯，個豬扒炸得都幾脆，個蛋就有啲太老每款定食都有配一碗麵豉湯同兩款配菜個鰻魚飯我就覺得有啲美中不足，首先係成條鰻魚上，冇腥味，個鰻魚都算厚，但係就唔太夠汁。另外有配蔬菜，個菜上面有芝士，都算幾好味同埋有泡菜，但係呢個就有啲多餘個飯入面嘅玉子都仲係流心嘅，而個飯就有啲偏乾身。同埋食緊嘅時候個鍋不停咁轉，但係個鍋又太熱，唔可以用手掂，加上佢配鐵匙羹，真係會熱到嘴！呢間居酒屋整體黎講都算唔錯，性價比幾高，又多選擇，可惜就係有啲美中不足。下次都可以再嚟食嘅！