陳漢記 (已結業)

今日入左大埔踩單車🚴‍♀️，踩完都過左6點。宜家限聚令，冇左晚市堂食。唯有食外賣。但我對食外賣都有一定要求。今日我地就揀左食陳漢記煲仔飯外賣。🥣呢度既煲仔飯係可以加23蚊帶埋個煲返屋企。咁就唔怕返到屋企啲煲仔飯凍哂啦。今次我叫咗兩個煲仔飯，一個係窩蛋牛肉煲仔飯，另一個係田雞白鱔煲仔飯。但呢兩個煲，我地等左70分鍾，由大埔拎到返屋企都半個鐘，疫症關係返到屋企又要消毒，所以搞咗成個鐘頭之後先食。但好驚喜返到去雖然個煲仔飯唔係熱，但係都係暖加熱既感覺，唔會凍冰冰。煲仔飯裏面嘅飯焦係超好食，唔會太燶，但係又會香口既感覺，真係超級好食。不過大家要留意，呢個外賣煲仔飯供應時間係下午六點到凌晨兩點。外賣煲仔飯我地等左70分鐘。同埋我地等等下聽到老闆話做唔切，要截單，唔接單住。所以大家想買就要留意一下😊