程班長台灣牛肉麵 (已結業)

以前會為左食牛肉麵去九龍城既大婆牛肉麵, 不過如果想係港島區心思思想食就必定去程班長.昨晚與友人心血來潮想食牛肉麵, 7點半左右到店唔洗等位.店舖長長窄窄, 基本上地方唔算大,所以枱同枱都好近, 講真坐真係唔算舒服.我叫左水餃牛肉乾麵($55) - 心想會似唔似我地既廣東撈麵有一碗清湯另上, 點不知原來此店既乾麵沒有附送多一碗清湯, 老寶講食到一半都真係幾乾.水餃味道只屬一般一碗有4大隻,份量十足, 紅燒牛肉做得好好夠軟身好好味. 成個麵反而最欣賞係個辣醬汁, 帶少少微辣十分討好, 個醬汁用上豆腐干粒, 肉碎粒拌上十分惹味, 自己個人認為個醬汁先係主角.友人叫左店內新出既原盅清湯牛肉麵($68) - 一碗普通牛肉麵只係$48, 原盅清湯就要收多$20當然要試下有何分別...未上枱前店員問是否需要將原盅既清湯倒入碗內, 因為枱太細, 所以都係要店員幫忙倒完後才上枱, 還有芫油, 薑絲同蔥絲另上....飲左友人一啖清湯唔算話驚喜不過相比一般既牛肉麵這一個會係清淡版本, 不過原來這個麵個牛肉先係真正既主角, 這個牛肉都夠厚十分淋, 相比我碗既紅燒牛肉更加軟淋更有牛肉味道, 值得一試.另外一提