元祖沾麵專門店

營業中

休息中

喺厚褔街食過無數次lunch 都無留意有呢間沾醬麵，今日同事話想試，咁就嚟試下，門囗好細，一啲都唔起眼，唔怪得完全無印象。入到去好有東京感覺，因為播住日文歌，啲位好迫，仲有好多面壁自閉位🤣, 每張檯都有七味粉，醋同紙巾，好貼心，位下有籃可擺袋💕。睇返menu , 認真，有圖有日文，單價都唔平，我地都要豚肉沾麵。嚟到個沾醬好熱🔥，個麵份量好多，有豚肉三塊，半隻糖心蛋，青檸，紫菜同大量筍，湯好濃味仲有肉喺入面好足料👍，豚肉唔係烚熟，係用火槍燒過，所以香啲。整體味道幾好，不過位太迫同有啲貴，雖然5點前入座係有9折，但需茶錢同加一，唔太親民😏。