影片
更多
2017-02-11
95 瀏覽
聽朋友講「浜燒Hamayaki Hiro」好食聽得多，今晚忍唔住要去試試！浜燒室內唔大但完全唔迫，仲有室內平台座位，又幾好噃！先嚟前菜「炙燒平目魚邊沙律$138」。有平目魚切片、牛油果、青瓜片、洋葱？雜菜等，新鮮開胃，最好食當然係薄薄既平目魚，相當新鮮嫩滑。點少得壽司，點左「特上盛壽司9貫($278)」，即9款唔同既壽司（3隻拖羅當一款），款款新鮮，壽司飯亦唔黏口，好味！有壽司當然要埋刺身！「剌身盛5種類($468)」，入口款款鮮甜，唔夠喉！食浜燒當然要食燒海鮮！點個「二人前($688)」，有帆立貝、生蠔、蟹肉蟹膏、鮑魚同海老，再加$80多隻日本原條魷魚。燒海鮮時職員會配青酒豉油作調味，令海鮮甜味更出，味道都好夾，連汁飲埋仲正。原隻日本魷魚燒完好香，又唔韌，只需蘸點鹽我已經覺得好夠味。最後點碗「稻庭烏冬 $68」同朋友share，湯底夠清而烏冬彈牙，食完燒物清一清都唔錯！仲有，呢度既服務態度好好！
聽朋友講「浜燒Hamayaki Hiro」好食聽得多，今晚忍唔住要去試試！
浜燒室內唔大但完全唔迫，仲有室內平台座位，又幾好噃！
先嚟前菜「炙燒平目魚邊沙律$138」。有平目魚切片、牛油果、青瓜片、洋葱？雜菜等，新鮮開胃，最好食當然係薄薄既平目魚，相當新鮮嫩滑。
點少得壽司，點左「特上盛壽司9貫($278)」，即9款唔同既壽司（3隻拖羅當一款），款款新鮮，壽司飯亦唔黏口，好味！
有壽司當然要埋刺身！「剌身盛5種類($468)」，入口款款鮮甜，唔夠喉！
食浜燒當然要食燒海鮮！點個「二人前($688)」，有帆立貝、生蠔、蟹肉蟹膏、鮑魚同海老，再加$80多隻日本原條魷魚。
燒海鮮時職員會配青酒豉油作調味，令海鮮甜味更出，味道都好夾，連汁飲埋仲正。
原隻日本魷魚燒完好香，又唔韌，只需蘸點鹽我已經覺得好夠味。
最後點碗「稻庭烏冬 $68」同朋友share，湯底夠清而烏冬彈牙，食完燒物清一清都唔錯！仲有，呢度既服務態度好好！
張貼
