望月軒

營業中

休息中

今天下午打算去澳門玩，所以去左信德中心三樓間望月軒食午餐。其實我都係隨機搵間食店，估唔到點心好有驚喜 望月小籠包真正皮薄多汁，小籠包皮整得非常好，薄而且唔容易穿，餡料多汁美味，師父功夫好到家 上湯鮮竹卷上湯出色，帶起整份鮮竹卷入味，而且腐皮薄而不靭，顯出點心師父功力。鮮蝦菜苗餃餡料多蝦，菜苗沒有草青味，餃皮晶瑩通透，容易入口。炸蝦多士多士大小適中，美味香脆，熱辣辣，芝麻數量恰到好處，太多會太濃，太少又唔香，現剛剛好， 拿捏得非常準確 豉汁蒸排骨排骨腍而多汁入味。流沙奶包外型有趣扮冬菇，如餡料奶黃份量提升，味道會更吸引。蟲草花棉花雞雞滑棉花入味，而且汁料不鹹，所以魚肚沒有吸汁過鹹，製作見心思。響鈴牛肉球欣賞牛肉沒有過度汆水，保留牛肉味。香芹蒜香鮮蝦春卷脆卜卜，好好味。蟹籽燒賣皇燒賣好足料，而且製作認真，唯豬肉唔夠肥，太健康太瘦，如果肉質肥多少少，相信會更可口。不過，這真是兩難問題，要健康定要美味，好難 取捨。總結：點心美味水準高，值得一試再試。點心師父功力了得，我建議食店加點心部師父人工，留人留美食。一間食店成功，人才是非常重要的一環。