鄰居

營業中

休息中

漢堡包，吃的不只是一份味道，一口下去仲會有一種難以形容的滿足感覺。疫情關係，鋪頭比較冷清，卻令老闆店員的服務份外熱情。而食物選擇不多，但出品則是即叫即製。環境舒適，有格調，餐桌乾淨企理，整體質素偏高。鄰居漢堡 $62🌟漢保扒又大塊又厚，煎得好香。但係原來成個包嘅靈魂係塊煙肉度，嗰陣煙燻味完全將成件事提升到另一個境界，再配合埋塊波蘿同生菜，中和翻個鹹味。真係一百分！黑松露醬蘑菇牛肉漢堡 $60🌟煎香左嘅蘑菇包滿左黑松路醬，口感味道一流。個牛扒同鄰居漢堡係一樣，充滿牛肉嘅香氣。雙色薯條 +$18🌟有蕃薯條同蕃條，即叫即炸，份量都算多。本身嘅味道已經好好食，連茄汁都可以唔使點，個人覺得蕃薯條更出色。