Takka Fusion Japanese Cuisine (已結業)

喺西貢行左全日山又攰又餓，當然急不及待出返市中心搵食。晚飯時間好多餐廳都full哂，好在呢間仲有位就直接入左去啦！我地兩人分別點左壽司拼盤同埋牛肉壽喜燒，套餐包埋雜菜沙律同埋麵豉湯。壽喜燒牛肉同配菜份量都幾多，有豆腐同好多雜菜，牛肉都起碼有四、五大片。湯底好濃郁但有啲啲偏咸，作為重口味人士既我地都接受到。加錢可以將本身跟餐的白飯轉配烏冬，烏冬放湯好吸味，同壽喜燒是絕配。壽司拼盤好豐富，共有八件壽司再加刺身，旁邊仲有新鮮既沙律菜，加左酸醋汁特別醒胃。壽司同刺身質素都正正常常，起碼夠新鮮同埋啲肉唔霉先。店員服務有禮，會好主動幫我地添茶。之前喺附近做野都試過呢間既午市餐牌，價錢再比晚市平啲同抵食啲，所以每次當我喺西貢想食日本野既時候都會搵返呢間！