西餐大排檔 (已結業)

今日去銅鑼灣食飯，行完街要補充體力即刻要搵間餐廳去食飯，首選西餐大排擋。早早之前食過一次晚餐，非常滿意，所以午餐再來一次。門口已經有大大個招牌。Lunch由$128起，仲要免加一價錢非常超值。環境都好舒服乾淨。先來沙律，煙三文魚配柑橘子汁。煙三文魚煙燻味道剛好，咸香得宜，配上柑橘子汁非常開胃。麵豉蟹肉湯配餐包。麵豉味道咸香突出，有微微蟹肉，餐包即烘非常香脆。芝士焗淡咖哩燒牛脷蛋炒飯。咖哩味道香口微辣，芝士咸香微微拉絲，牛脷非常軟腍燒得香口，炒飯粒粒有咬口非常滋味。最後有杯檸水和甜品。