貓咪貓咪HOME (已結業)

今日同仔仔去幫襯呢間貓餐廳，門口有部自動鞋套機，客人放腳入部機後，就自動套上鞋套，然後先可以進入餐廳，呢點真係貼心，免得客人除鞋，又保持餐廳乾淨，另外員工又用漂白水溝水拖地，務求貓貓住既環境乾淨，非常抵讚！我地選擇左二人套餐，有沙律、湯各兩個，Pizza,火雞忌廉意粉，小食拼盤，兩杯飲品，合計298，唔記得影相，不過係好味架！睇到同食到係好有心。而貓貓數量非常多，每隻都精靈健康，唔好期望貓貓會嗲人，但好乖！環境方面確實比我去過的貓餐廳乾淨舒適，唔會周圍都係貓毛，感覺好好！會再幫襯！仲有班妹妹員工有禮又愛錫貓貓。