陶園燒臘飯店 (已結業)

陪女兒去佐敦護士協會買嘢，途經寶靈街陶園燒臘飯店 ，見店門外有隻可愛的鵝公仔，吸引我們留下，陶園格局是舊式街坊燒臘飯店，廚窗掛滿泛着油光的叉燒、切雞、燒鴨等燒味，見燒味色澤鮮明，價錢公道，一於斬料做餸。燒鵝：女兒喜歡食胸肉，所以買咗上裝，見到店內相片介紹燒鵝係用荔枝柴燒，荔枝柴燒出來的燒鵝尤為上品。陶園燒鵝皮脆、肉滑、骨香，入味，入口還帶有荔枝木的淡淡清香。半肥瘦叉燒味夠鬆夠肥, 但肥得黎唔會膩, 加埋D麥芽糖燒到焦焦地, 又香又甜, 送飯一流！