叁不館

營業中

休息中

充滿懷舊香港feel嘅火鍋店！門口係搶眼嘅霓虹燈招牌，入面仲有舊式戲院售票處、街市檔口，有時光倒流嘅感覺呢。同上次一樣 店員主動介紹湯底以及各款食材，特別一提嘅係兩款自家製嘅醬汁，包括極惹味嘅沙嗲醬，同埋超香口嘅蔥蒜油。整體質素高又大份，入秋正是打邊爐好時節，gathering 一流。𖦹 胡椒豬肚雞煲 ＄198𖦹 頂級安格斯牛頸脊 $328𖦹 時令海鮮 $192𖦹 韭菜餃併魚皮餃 ＄100𖦹 手打五寶丸 $98𖦹 西班牙黑毛豬 ＄138𖦹 新鮮炸響鈴 ＄68𖦹 山水豆腐 $38𖦹 蔬菜拼盤 $88𖦹 竹蔗茅根海底椰 $48上次試咗莫生氣椰椰雞，今次試胡椒豬肚雞，雞嘅份量又多咗，有一大碟咁多，依然嫩滑呢。牛肉厚薄剛好，油脂分布平均，肉味濃郁；海鮮有蟶子皇同扇貝，非常鮮甜；手打丸有豬肉丸、鯪魚丸、牛丸、墨魚丸以及丸合共五款，全部都非常彈牙！豆腐索湯一流，白柏葉爽口，餃子皮薄餡靚，必須推薦新鮮炸響鈴，即口即炸，比起平日食嘅更大條更脆！野飲叫咗竹蔗茅根海底椰，清甜降火。