新泰東南亞餐廳

營業中

休息中

突然想食泰式菜，朋友就帶我嚟咗尖沙咀嘅新泰。原來尖沙咀有兩間新泰架！今次我食嘅係加拿分道分店。店面非常闊落，門口仲有架Tuktuk車可以俾大家影相。行落地庫，原來地方好大～可以容納好多人。裝修偏向泰式風情。「燒西冷牛扒」將西冷燒到外面香脆，內裡肉質鮮嫩。有兩款泰式醬汁，一款香茅偏清新、一款微辣醒胃。西冷牛點咗醬汁之後味道更有層次。仲有酸蘿蔔作配菜，好開胃。「焗南瓜海鮮飯」用原隻南瓜焗製，炒飯吸收到南瓜甜味，中間也有南瓜粒。上層舖滿芝士同海鮮。海鮮有海蝦、青口、魷魚。海鮮味道不錯，魷魚彈身，焗飯份量不少！好滿足！「椰子班戟 (班蘭味)」微熱上枱，用椰子肉焗成，下層口感煙韌，上層有一條條椰子肉，好特別。