影片
更多
2010-12-21
207 瀏覽
蔡瀾、Ar 蘇、韜韜，出名食家一個接一個，爆紅餐廳一間又一間，而當中有幾多個食家真係有皇帝脷？又有幾多美食真係本應天上有？試過Ar 蘇推既布袋澳發記、澳門蝦籽麵 、 韜韜主理既元朗大榮華酒樓 及 蔡瀾力撐既澳門豆腐花後，我知道我會同蔡瀾 friend d… 最近再黎多個少年食神，即刻到訪沙田18，測試自己同Michael係咪完全0岩咀型~~ 公仔箱、廣告、名人，絕對係做Marketing既捷徑！沙田18一經少年食神推一推，想係週末"正常"晚飯時間用餐，起碼要早兩星期訂位！ 我早一星期訂位的，都只訂到周六晚上9:30時段！ 家中習慣晚上7時許開飯既我們，是晚9時許已到達餐廳，本以為有機會提早坐低，但最終都係我們想太多… 幸好有舒服沙發提供可以歇歇腳！直到9:25，終於被安排入坐，而我地坐既正正係少年食神那個有廚房景既位置；但是晚變了一張長餐枱，有感坐圓枱先算食中餐既我們，要求轉枱。見侍應們慢動作地清潔及整理圓枱，餓瘋既我們只好先點菜… 北京填鴨 (三食之一)：以為只有上電視餐廳才出動大廚即場片鴨，原來唔係拍野都有既~~ 北京填鴨 (三食之一)共有三碟，一脆脆表皮，二連皮鴨肉片，及三
公仔箱、廣告、名人，絕對係做Marketing既捷徑！沙田18一經少年食神推一推，想係週末"正常"晚飯時間用餐，起碼要早兩星期訂位！ 我早一星期訂位的，都只訂到周六晚上9:30時段！ 家中習慣晚上7時許開飯既我們，是晚9時許已到達餐廳，本以為有機會提早坐低，但最終都係我們想太多… 幸好有舒服沙發提供可以歇歇腳！
直到9:25，終於被安排入坐，而我地坐既正正係少年食神那個有廚房景既位置；但是晚變了一張長餐枱，有感坐圓枱先算食中餐既我們，要求轉枱。見侍應們慢動作地清潔及整理圓枱，餓瘋既我們只好先點菜…
北京填鴨 (三食之一)：以為只有上電視餐廳才出動大廚即場片鴨，原來唔係拍野都有既~~ 北京填鴨 (三食之一)共有三碟，一脆脆表皮，二連皮鴨肉片，及三淨鴨肉片。後兩款為落醬加蔥包埋皮食，但鴨肉無味兼有d韌；只有脆脆既填鴨皮入口即溶令人驚喜！但整體而言，令人失望…
鴨菘生菜包 (三食之二)：先要讚讚d生菜！切到塊塊都圓形一個size，完全見唔到生菜唔新鮮既部分！而個鴨菘，調味ok，夠野味；但鴨"騷"味好濃… 大大扣分… 可惜
豆腐鴨湯(三食之三)：呈奶白色，此湯將鴨"騷"味完全表現出黎！！唔點都唔會再扣咁多分！
煎餃子：個presentation好靚好吸引，煎餃子底部煎到有花紋裝飾般，但味道卻不令人驚喜，只係好普通既水準…可惜
水餃：與八方雲x既無大分別…
花生蝦魚乾炒苟菜：雖然係好普通既四樣野 --- 花生、蝦乾、魚乾、苟菜，個卻離奇地合拍！ 未知蝦乾、魚乾是否餐廳自製，但只係個組合都已經好好！將此菜夾進鴨菘生菜包，會係一個新嘗試且可劈走鴨"騷"味既好辦法！
蒜子腐竹炒芥菜：幾特別同新穎既組合，可惜無特別效果…
白菜豬肉根：豬肉根同白菜都好爽！不錯既穩紮選擇！
一口糯米蒸排骨：呢個係令全餐飯值回票價既一道菜！ 先睇外貌己知製作方法繁複！起初都擔心糯米會乾同有異味 (類似麻包袋味… ) 但撲鼻香氣全釋疑慮！我好放心將佢一口消滅~~ 糯米都有加入調味，而排骨好香好滑！認真值回票價~~~
蛋白瑤柱炒飯：鑊氣好夠，d飯一粒粒，不太乾不太油，好香既一碟蛋白瑤柱炒飯；但其份量少得嚇壞人！一行七人既我們，點一碟蛋白瑤柱炒飯，每人只分到兩匙羹炒飯！
兩面黃：先論份量，終於較為正常！有三個麵餅，每半個麵餅都能填滿酒樓既細size碗。而麵餅比眼見相中既脆身！醬汁加入叉燒同處理得好好既黃沙豬潤，將芳香惹味醬汁加上脆脆麵餅，誰人不愛？
五粮液朱古力雪糕：酒，一直都能誘發朱古力味提升；但利用中國酒，乃頭一次見！效果不錯！朱古力雪糕味道偏濃，不像牛奶朱古力般勁甜！喜歡Dark Choco既我最合口味！雪糕入口有一股類似菠蘿澀味，及後緊接係濃濃既朱古力味！係一個不錯既嘗試！
總括而言：論服務，我未能完全感受到酒店級服務水準，可能太多炒散 trainee。論菜式設計，係較市面一般餐廳為特別。論整體出品，既非令人一試難忘，又非不可不吃。論餐廳地點，非常隔涉。再論少年食神，過度渲染。
張貼
