影片
更多
2024-09-06
1464 瀏覽
呢間拉麵店唔知算唔算好出名，不過我做完 research，响各媒體所見所聞，呢間店由一位頗有來頭的大廚主理，點都要試佢一試啦！拉麵就試左兩款常駐拉麵，以下係食評特級白湯拉麵 🍜香味 (4/5) - 非常充足，噴鼻而來的雞味很濃很濃，論香味冇得輸湯頭 (4/5) - 濃郁，雞肉味道超級強烈，鹹度剛好。不過濃稠度有d偏高，感覺似汁多過似湯，我個人來講唔係特別鍾意。麵條 (2/5) - 太麵，小捲，偏黃，低加水。本身來講，我係頗鍾情呢類麵款，但可惜係，佢煮得過硬，甚至可以話係生生地。頭幾啖還好，食到中後段會開始吃力，甚至覺得有d頂胃，所以真係唔啱胃口。配料 (3/5) - 跟3大塊腩肉叉燒，明顯地用左頗多黑胡椒粒調味，條脷食下食下會有少少麻。而且腩肉太肥，我個人認為如果得2塊而賣平10蚊會更好。蛋跟一整隻，夠味，生熟度剛好，蔥就正常。有一樣野有d失望，一般做雞白湯嘅店，點都會跟塊雞叉燒，可惜呢度冇。呢碗麵，我食淨左最後塊叉燒d肥膏位，同d湯都係飲唔晒，證明我個胃都話我知，佢太膩左d，主要因為d肥膏同個湯太”杰”醬油清湯拉麵 🍜香味 (3/5) - 以醬油湯底來講算不錯，但又唔係話好特別。湯頭
拉麵就試左兩款常駐拉麵，以下係食評
特級白湯拉麵 🍜
香味 (4/5) - 非常充足，噴鼻而來的雞味很濃很濃，論香味冇得輸
湯頭 (4/5) - 濃郁，雞肉味道超級強烈，鹹度剛好。不過濃稠度有d偏高，感覺似汁多過似湯，我個人來講唔係特別鍾意。
麵條 (2/5) - 太麵，小捲，偏黃，低加水。本身來講，我係頗鍾情呢類麵款，但可惜係，佢煮得過硬，甚至可以話係生生地。頭幾啖還好，食到中後段會開始吃力，甚至覺得有d頂胃，所以真係唔啱胃口。
配料 (3/5) - 跟3大塊腩肉叉燒，明顯地用左頗多黑胡椒粒調味，條脷食下食下會有少少麻。而且腩肉太肥，我個人認為如果得2塊而賣平10蚊會更好。蛋跟一整隻，夠味，生熟度剛好，蔥就正常。有一樣野有d失望，一般做雞白湯嘅店，點都會跟塊雞叉燒，可惜呢度冇。
呢碗麵，我食淨左最後塊叉燒d肥膏位，同d湯都係飲唔晒，證明我個胃都話我知，佢太膩左d，主要因為d肥膏同個湯太”杰”
醬油清湯拉麵 🍜
香味 (3/5) - 以醬油湯底來講算不錯，但又唔係話好特別。
湯頭 (2.5/5) - 老老實實，太甜啦，但唔係蔬菜或海鮮嗰款甜，係糖嗰款甜味。醬油嘅存在感比較薄弱，比甜味蓋過左。我明白呢款湯係想做清湯風味，所以醬油可能唔想太濃，不過甜味太大，我個人認為少甜，淡淡醬油香已經足夠。
麵條 (2/5) - 如上，同一款麵，太硬，食得有d辛苦。
配料 (2.5/5) - 叉燒都係肥腩肉，唔太喜歡，我認為配薄切豬肩肉會更好，而且冇跟蛋，有d小氣。芽菜令整碗口感變清新，倒係幾適合。
呢碗麵，都係食唔晒，湯飲唔晒，主要係因為麵太硬，湯太甜。
炸雞方面，非常好，剛炸起夠熱夠脆，肉夠juicy，調味濃度剛剛好。
整體 - 不推薦。不過如果鍾情雞白湯，而冇雞叉燒冇所謂的話，經過可一試，主要因為雞湯味道非常好。
特級白湯拉麵
$128
7 瀏覽
0 讚好
0 留言
炸雞
$52
3 瀏覽
0 讚好
0 留言
醬油清湯拉麵
$98
2 瀏覽
0 讚好
0 留言
張貼
