見見面 (已結業)

上次食完酸菜魚之後一直念念不忘，朋友同我都想再食多次川菜，結果我地又係九龍城搵咗另一間川菜試下，上OPENRICE睇到見見面呢間鋪頭嘅評價都唔錯，食物相片都好吸引，所以今日再度去九龍城食川菜，結果食物質素好令我滿意，再一次證明去九龍城唔一定食泰國菜， 川菜都係一個好選擇我地6：30就到，當時鋪頭仲未有客人，但一路食，越來越多人入黎，之後無幾耐就爆晒場。鋪頭地方寬敞，座位大多數都係卡位所以坐得好舒服。呢度係用apps自己落單，自己一手一腳落單，自己選擇食物辣度、麻辣度、配料，任君選擇。▪️麻辣肚絲肚絲口感軟腍，撈埋麻辣醬同芫茜，少少酸酸辣辣，作為開胃前菜，絕對一流▪️青椒皮蛋呢到所用嘅皮蛋係黃金皮蛋，質素比普通皮蛋高一級，蛋皮好彈牙，蛋黃味好香濃，加埋麻辣醬青椒混和一齊食，味道刺激又好味▪️酸菜烤魚 - 鯇魚半條（另加蓮藕及薯粉)未食見到都流晒口水，湯底好濃郁，麻辣味剛剛好（我揀左少麻少辣），鯇魚炸過，魚肉味更加香，湯底入面又多配料，除左自己另加既兩樣配料，湯裡面仲有豆皮、海帶、木耳、芽菜、蘿蔔，食物吸收晒湯汁精華，非常好味▪️美國特級牛肉牛肉油花均勻，好有牛味，放落酸菜魚湯底打邊爐，牛肉味道配