影片
更多
2022-08-17
781 瀏覽
又來撐寶哥場啦!隔一段時間就自動番黎, 為既就係再嚐寶哥嘅私房菜~ 實力派果然名不虛傳, 功架水準完美保持到,果然係30年經驗老師傅!一坐低老闆娘即推介佢地既新作「凍檸茶」，唔好以為普通料，查實因為寶哥特別用幾種花茶一齊煲黎做茶底，所以第度係飲唔到架，好清新花香味，岩好解滯打個底~飲完檸茶就來一個老火靚湯啦！ 「去濕冬瓜豬尾骨湯」大熱天時去濕消暑絕好!煲足5個鐘夠晒火喉，香濃超甜但完全唔落味精，落足料湯渣都有一大碟！一煲夠4個人飲, 2個人每人飲到2.5碗, 咁先夠喉！「蜜椒雞翼」好惹味， 甜甜地，面頭有好多芝麻粒同蜜糖，而且炸得香香的，單骨好多肉又容易handle，完全係開胃小食～「 失傳醬脆皮生炒骨」老闆娘透露話點解甘好食，秘訣係除左用上浸泡多日嘅蘋果醋醃味，加埋新鮮豬排骨即炸用料新鮮之外，仲因為師傅好手勢夠鑊氣，酸甜度適中，仲有拔絲效果，外皮香脆內裡鮮嫩多汁，做到呢個效果唔易架！「喜聚坊小炒皇」係次次必點既，因為材料極之豐富，其他地方好少食到，有腰果﹑三色椒﹑韮菜花﹑魷魚﹑珊瑚蚌﹑蝦球﹑蝦乾﹑白飯魚同菜脯等，味道鹹香，用黎送酒好適合~最後仲有甜品「 腐竹薏米糕」，有腐竹味，微甜，
隔一段時間就自動番黎, 為既就係再嚐寶哥嘅私房菜~ 實力派果然名不虛傳, 功架水準完美保持到,果然係30年經驗老師傅!
一坐低老闆娘即推介佢地既新作「凍檸茶」，唔好以為普通料，查實因為寶哥特別用幾種花茶一齊煲黎做茶底，所以第度係飲唔到架，好清新花香味，岩好解滯打個底~
飲完檸茶就來一個老火靚湯啦！ 「去濕冬瓜豬尾骨湯」大熱天時去濕消暑絕好!
煲足5個鐘夠晒火喉，香濃超甜但完全唔落味精，落足料湯渣都有一大碟！一煲夠4個人飲, 2個人每人飲到2.5碗, 咁先夠喉！
「蜜椒雞翼」好惹味， 甜甜地，面頭有好多芝麻粒同蜜糖，而且炸得香香的，單骨好多肉又容易handle，完全係開胃小食～
「 失傳醬脆皮生炒骨」老闆娘透露話點解甘好食，秘訣係除左用上浸泡多日嘅蘋果醋醃味，加埋新鮮豬排骨即炸用料新鮮之外，仲因為師傅好手勢夠鑊氣，酸甜度適中，仲有拔絲效果，外皮香脆內裡鮮嫩多汁，做到呢個效果唔易架！
「喜聚坊小炒皇」係次次必點既，因為材料極之豐富，其他地方好少食到，有腰果﹑三色椒﹑韮菜花﹑魷魚﹑珊瑚蚌﹑蝦球﹑蝦乾﹑白飯魚同菜脯等，味道鹹香，用黎送酒好適合~
最後仲有甜品「 腐竹薏米糕」，有腐竹味，微甜，滑溜溜，滿足～
張貼
