影片
更多
2025-01-31
0 瀏覽
難得平日過銅鑼灣，一行四人，搵日本嘢食，逸園中心日餐多就唔使講，一入𨋢 ，就俾個海報吸引咗，決定一試！（以為真係有野豬可以試）一坐低，男四眼服務態度超差，我知居酒屋係應該買酒水，但我朋友想食粒藥問佢攞杯水，都俾佢取笑！咁朋友照嗌杯乳酸梳打啦，佢話呢杯真係水啊，淡都冇味嘅梳打水😓😓跟住到點菜！款式唔多，以為佢精做幾樣菜式！就等佢廚師發辦推薦先食關東煮，日本魚餅，煲到霉爛，口感極差！🤬🤬大根煮正常，夠腍，不過煲腍一嚿蘿蔔有咩難度啊？🥹最重要係個湯底居然係食得出蠔油同豉油味嘅配搭，完全冇鰹魚湯底嘅味道🥵螢光魷魚：臭腥味，完全係隔夜霉爛口感🙂↕️刺身三文魚，又鹹又酸，廚師好叻，放咗大量蔥花遮蓋，但都掩飾唔到！玉子燒：正常出品，明太子醬極少，跟佢個黑色醬汁，鹹到要洗腎😩😩炸雞翼，KFC出品仲好過佢，厚粉，好似$48兩隻，情願過隔離kf….買一桶好過煎餃子，正常出面汁醬料，係應該分開比客人，但廚師都係一次落埋🥵肉餡臭豬氣味，廚師仲話係新鮮豬肉🥹冇錯，師傅今次又係落咗大量蔥花嚟掩飾，中菜師傅做法，同佢再推薦，每個客人必點燒牛脷 ，，好再信你一次，完全冇牛舌，應該有嘅口感爽彈，牛臊味極重，似係用慢煮方
一行四人，搵日本嘢食，逸園中心日餐多就唔使講，
一入𨋢 ，就俾個海報吸引咗，決定一試！（以為真係有野豬可以試）
一坐低，男四眼服務態度超差，我知居酒屋係應該買酒水，但我朋友想食粒藥問佢攞杯水，都俾佢取笑！
咁朋友照嗌杯乳酸梳打啦，佢話呢杯真係水啊，淡都冇味嘅梳打水😓😓
跟住到點菜！款式唔多，以為佢精做幾樣菜式！就等佢廚師發辦推薦
先食關東煮，日本魚餅，煲到霉爛，口感極差！🤬🤬
大根煮正常，夠腍，不過煲腍一嚿蘿蔔有咩難度啊？🥹
最重要係個湯底居然係食得出蠔油同豉油味嘅配搭，完全冇鰹魚湯底嘅味道🥵
螢光魷魚：臭腥味，完全係隔夜霉爛口感🙂↕️
刺身三文魚，又鹹又酸，廚師好叻，放咗大量蔥花遮蓋，但都掩飾唔到！
玉子燒：正常出品，明太子醬極少，跟佢個黑色醬汁，鹹到要洗腎😩😩
炸雞翼，KFC出品仲好過佢，厚粉，好似$48兩隻，情願過隔離kf….買一桶好過
煎餃子，正常出面汁醬料，係應該分開比客人，但廚師都係一次落埋🥵
肉餡臭豬氣味，廚師仲話係新鮮豬肉🥹
冇錯，師傅今次又係落咗大量蔥花嚟掩飾，
中菜師傅做法，
同佢再推薦，每個客人必點燒牛脷 ，，好再信你一次，
完全冇牛舌，應該有嘅口感爽彈，牛臊味極重，似係用慢煮方式煲腍，買180幾蚊加埋一$200，為到$20一粒，極伏，🤬🤬🤬🤬🤬🤬
重點嚟啦，什麼白朱古力粟米？人一世物一世咩都試吓。，
又甜又鹹，仲要係啲粟米係生嘅，完全係火槍燒出嚟嘅痕跡😅一陣臭煤氣味
食到呢度，大家都你眼望我眼，諗住嗌啲煮食頂住個胃啦，
四個冷麵，等咗九個字，仲要大前提巴枱唔係忙，成間餐廳都係得兩台客，，
個服務員仲要提前話用餐時間兩小時，大佬我等你個面都等咗九個字啦，你餐廳又唔係忙，又要扮高尚西餐廳！
埋單1200，店員中提醒好似一定要俾貼士，
結果都係唔俾，塊面仲黑過地底，唔講仲以為我欠他
成餐飯用餐體驗極差，我真係未試過食日式居酒屋會出品這樣！
只能怪自己又係相信廣告，打手陷阱😓😓
張貼