影片
更多
2015-11-02
2266 瀏覽
前日(31-10-2015 Sat)晚,男友人Y幫我同男友整o左新居後,請佢食飯, Y話想食飯8點幾,好多間唔係有人等位就係full晒,我o地o黎到新城市廣場,o黎到,見到呢間食飯o既冇人等位,於是行o黎睇,Y話OK,於是食呢間.我o地三個人拖一個喼,侍應俾o左張梳化圓枱我o地,我o地睇睇menu,Y同男友都話要$438.00二人套餐,而我覺得唔夠,所以想加餸,加同樣$108.00o既檸白牛仔骨定秘製海山骨?男友話問吓秘製海山骨係咩o野先.OK,問經理,佢答係用蝦醬醃過o既,男友覺得OK,於是叫呢個.經理即問我o地餐中甜品要咩o野?桂花糕定壽包?我o地揀壽包,佢話得兩個,問我o地加唔加多個?男友答好.之後又問我o地使唔使加多碗?我o地答唔使.咁就落單喇.落完單好快,原盅滋補靚燉湯o黎到,Y自己要中盅,我同男友刀share一盅,湯o既油份睇落唔算多,有雞腳豬肉同唔知咩藥材,飲吓,味道好清,話係燉湯,咁應該係燉得好短時間,而豬肉o鞋,o個塊藥材似係淮山.之後燒味雙拼到o黎,係叉燒同燒鴨,顏色好靚,食吓叉燒先,蜜汁味夠,雖然唔係半肥瘦,但都夠腍,不過可惜係雪藏過o既肉,所以口感仍然爭啲.而燒
我o地三個人拖一個喼,侍應俾o左張梳化圓枱我o地,我o地睇睇menu,Y同男友都話要$438.00二人套餐,而我覺得唔夠,所以想加餸,加同樣$108.00o既檸白牛仔骨定秘製海山骨?男友話問吓秘製海山骨係咩o野先.OK,問經理,佢答係用蝦醬醃過o既,男友覺得OK,於是叫呢個.
經理即問我o地餐中甜品要咩o野?桂花糕定壽包?我o地揀壽包,佢話得兩個,問我o地加唔加多個?男友答好.
之後又問我o地使唔使加多碗?我o地答唔使.咁就落單喇.
落完單好快,原盅滋補靚燉湯o黎到,Y自己要中盅,我同男友刀share一盅,
湯o既油份睇落唔算多,有雞腳豬肉同唔知咩藥材,飲吓,味道好清,話係燉湯,咁應該係燉得好短時間,而豬肉o鞋,o個塊藥材似係淮山.之後燒味雙拼到o黎,
係叉燒同燒鴨,顏色好靚,食吓叉燒先,蜜汁味夠,雖然唔係半肥瘦,但都夠腍,不過可惜係雪藏過o既肉,所以口感仍然爭啲.而燒鴨呢?皮都脆脆地,味道都o岩o岩好,唔鹹唔淡.
然後兩碗白飯到o黎,同樣,我同男友share一碗,原本都冇諗過影,但見到佢好似幾乾咁,
不過食落又唔算好乾,都OK.然後,金牌雜菜煲到o黎,
見到有娃娃菜,菜心,西蘭花,冬菇,蝦乾,粉絲同唔知咩菇,撩撩吓重有小棠菜,呢個味道都清清地,份量都唔少.之後到黑松露醬帶子珊瑚蚌,
帶子得兩粒,即係二人餐,一人一粒.甜頭炒唔夠,而且唔夠甜, 珊瑚蚌冇刎味,其實黑松露醬味道都唔夠濃.由於佢o地上菜速度好快.所以我開始奇怪, 點解個秘製海山骨未o黎,於是問問侍應,個侍應返o黎覆我o地話冇落單,問我o地重要唔要,我o地答唔要喇,順便可以上甜品.
冇耐,三個壽包到o黎,
熱騰騰,食落,包皮都幾厚,蓮蓉竟然唔多,最多o既係鹹蛋黃,而且偏乾,蓮蓉味食唔到,
食完覺得呢間o野食唔突出,唔怪得又係冇乜人.味道: 2.5分
呢餐埋單$509.00.
張貼
