影片
更多
2023-11-09
50 瀏覽
有時環境好啲，胃口都開胃啲。而家好多餐廳都係裝修上花咗一啲心思，而懷舊主題，就係好多餐廳好鍾意用上既裝修，今次呢間都唔例外。上到去呢間餐廳，你會見到成個主題都係六七十年代，一啲舊式嘅杯杯碟碟，舊式嘅霓虹光管，舊式嘅畫，再加上餐廳一路播住六七十年代嘅歌，周圍都一直充滿着懷舊嘅氣氛，感覺就好似去返以前父母嘅年代，一路食嘅時候就會比較有趣。講個湯底介紹，佢有唔同嘅湯底，但係我哋都係鍾意食辣嘅人，所以就要點佢嘅秘製麻辣湯底，佢嘅湯底係越食越好味，因為出邊好多嘅麻辣火鍋湯底，可能頭30分鐘，你會覺得好食，但係當加咗個湯之後就越嚟越無味，但係呢個湯底竟 然係你會覺得佢係越食越好味，而且唔係話好辣嗰種，但係你覺得好味得來又唔會好鹹。評分：👍🏻👍🏻👍🏻👍🏻/5店員推介海鮮拼盤，不過我朋友唔食魚，所以個海鮮拼盤浪費咗，所以我哋冇叫到；我哋叫咗個安格斯牛肉，聖子，和牛牛丸，蓮藕片，食食吓再加多一個黑柏葉，老大腸，叫咗一杯大檸樂。安格斯牛肉有大理石紋理，油脂分布平均，嫩滑和多汁，我覺得厚度適中，唔會好似出邊有啲牛肉好薄，我哋最鍾意就係五成熟，落幾秒就可以食得，佢又未似入口即溶，但係好林唔會好硬，味道濃郁。評
上到去呢間餐廳，你會見到成個主題都係六七十年代，一啲舊式嘅杯杯碟碟，舊式嘅霓虹光管，舊式嘅畫，再加上餐廳一路播住六七十年代嘅歌，周圍都一直充滿着懷舊嘅氣氛，感覺就好似去返以前父母嘅年代，一路食嘅時候就會比較有趣。
講個湯底介紹，佢有唔同嘅湯底，但係我哋都係鍾意食辣嘅人，所以就要點佢嘅秘製麻辣湯底，佢嘅湯底係越食越好味，因為出邊好多嘅麻辣火鍋湯底，可能頭30分鐘，你會覺得好食，但係當加咗個湯之後就越嚟越無味，但係呢個湯底竟 然係你會覺得佢係越食越好味，而且唔係話好辣嗰種，但係你覺得好味得來又唔會好鹹。
評分：👍🏻👍🏻👍🏻👍🏻/5
店員推介海鮮拼盤，不過我朋友唔食魚，所以個海鮮拼盤浪費咗，所以我哋冇叫到；我哋叫咗個安格斯牛肉，聖子，和牛牛丸，蓮藕片，食食吓再加多一個黑柏葉，老大腸，叫咗一杯大檸樂。
安格斯牛肉有大理石紋理，油脂分布平均，嫩滑和多汁，我覺得厚度適中，唔會好似出邊有啲牛肉好薄，我哋最鍾意就係五成熟，落幾秒就可以食得，佢又未似入口即溶，但係好林唔會好硬，味道濃郁。
評分：👍🏻👍🏻👍🏻👍🏻/5
而和牛牛丸的肉質彈牙，每一口都充滿了濃郁的牛肉味。
評分：👍🏻👍🏻👍🏻/5
有時食蟶子好怕有沙同埋好un ，但佢呢度蟶子肉質鮮嫩，有海鮮味，同埋唔會咬唔開，加埋有麻辣湯，正😄
評分：👍🏻👍🏻👍🏻👍🏻/5
蓮藕片就正常發揮啦，質地脆爽，口感清脆可口。
評分：👍🏻👍🏻👍🏻/5
之後再叫黑柏葉同鹵大腸，本身呢兩樣嘢食係冇乜味道，但係之前講過個湯底越食越好味，所以呢兩樣食物加埋個湯底一齊食，就會變得好好食。
評分：👍🏻👍🏻👍🏻/5
整體來講，下次會再嚟試一試佢個海鮮拼盤，同大班人一齊打邊爐飲啤酒係呢一個舊嘅環境都好唔錯，又多一個打邊爐同朋友聚會嘅地方。
整體味道指數：😋😋😋/5
性價比：💰💰💰/5
環境：❤️❤️❤️❤️/5
服務：✅✅✅/5
張貼
