九咪餐廳 (已結業)

已經係第四次寫呢度餐廳既食評，無計，間餐廳係我屋企附近，經常會落黎幫襯。呢間餐廳有中菜又有西餐食，平時多會吃西餐，但是晚同屋企人食飯，老媽子不是西餐人，所以就一齊叫餸食飯。點菜，老媽子負責好了。老媽子最叻就叫蒸魚，今次亦唔例外，要豉汁蒸紅柚。蒸魚時間控制得宜，剛剛熟，魚肉嫩滑，豉汁蒸更為惹味，送飯一流。另外要魚香茄子煲，肉碎味道是不錯的，茄子亦夠稔身，又是好送飯，但稍嫌不夠惹味，如果可以香口一點會更理想。最後一味是生炒骨，份量不少的。酸甜度對辦，不會太厚粉，咬落鬆化，就連配角既青椒都是爽口、清甜，很快被我清碟，估唔到呢度也可以做到咁有水準的生炒骨。不輪西餐或是叫餸食飯，這裡都有一定水準，是屋企附近最好的餐廳了。