泰式美食 (已結業)

朋友仔話要食泰國野，又唔想去返之前嗰間，咪叫佢來呢間囉。我食開的星期五晚7點半到，都唔係好多人，唔怪得我book位的時候，佢都一副唔使book的態度。坐低就急不及待叫野一早做定功課的我，唔使睇就叫得。不嬲來開都無叫咖哩的，但主腳想食，就點個咖哩大蜆。個姐姐笑咪咪咁同我地落單，超友善生蝦先上，每次來都必點。有8隻，啱啱好每人兩隻。好大隻，又爽又鮮鐵板蠔仔蛋都好但可惜有殼蛋下面放左好多芽菜，咁就唔會咁油喇！咖哩，無咖哩味。其實我係鍾意食泰式咖哩的，因為加左蛋，但佢完全無咖哩味，就真係差左啲。不過啲蜆好大隻炒椰菜苗，咸左少少。三味魚，其實係燒魚加左啲酸甜汁上去不過都係就咁燒魚好杲啲。不過我下次想試明爐烏頭串燒不過不失，有雞翼，雞肉，牛同豬。今晚無叫飯或炒野，其實呢間的都唔錯，下次要食返先得。嗰個姐姐真係無得頂，應該獲選為香港最佳侍應丫呢間野價錢都好公道，幾抵食，所以一直係我至愛